26 ოქტომბრის არჩევნების შემდეგ “ქართულ ოცნებას” ლეგიტიმაციის კრიზისი დაუდგა, როგორც ქვეყნის შიგნით, ასევე მის ფარგლებს გარეთ.
ხანგრძლივი საპროტესტო აქციებისა და რეპრესიული აპარატის ამუშავების ფონზე, “ქართული ოცნების” საერთაშორისო აღიარება მეტწილად, მათი წარმომადგენლების მიმართ დაწესებული ფინანსური და სამოგზაურო სანქციებით შემოიფარგლება.
მილოცვები "ქართულ ოცნებას" 2024 წლის ოქტომბრის საპარლამენტო არჩევნების შემდეგ.
არჩევნების შემდეგ, “ქართული ოცნების” პარლამენტმა მილოცვები ცხრა სახელმწიფოსგან მიიღო.
14 დეკემბერს, პარლამენტში გამართული ერთკანდიდატიანი საპრეზიდენტო არჩევნების შემდეგ, "ქართული ოცნების" მიერვე დანიშნულ პრეზიდენტს, 7 იანვრის მდგომარეობით, კიდევ უფრო ნაკლებმა, ექვსი სახელმწიფოს ლიდერმა მიულოცა ახალი თანამდებობა. მილოცვები ძირითადად, მეზობელი და ავტორიტარული მმართველობის სახელმწიფოებიდანაა.
მილოცვები მიხეილ ყაველაშვილს.
საგულისხმოა, რომ ვიქტორ ორბანს, რომელმაც, ჯერ კიდევ ცესკოს შედეგების გამოცხადებამდე, პირველმა მიულოცა “ქართულ ოცნებას” არჩევნებში გამარჯვება, დღემდე არ მიულოცავს ყაველაშვილისთვის პრეზიდენტის თანამდებობაზე დანიშვნა. იგი ევროკავშირის წევრობის კანდიდატი ქვეყნის, სერბეთის პრეზიდენტმა და რუსეთის ახლო მოკავშირემ, ალექსანდრე ვუჩიჩმა ჩაანაცვლა.
სანქციები "ქართული ოცნების" წარმომადგენლებს.
ამ პროცესების ფონზე, საქართველოს ტრადიციულ მოკავშირედ მიჩნეულმა სახელმწიფოებმა დასავლეთში "ქართული ოცნების" წინააღმდეგ სანქციების სხვადასხვა პაკეტი დაამტკიცეს. სანქციების ახალი პაკეტი სავარაუდოდ, აშშ-ის ახალი ადმინისტრაციის პირობებშიც გაგრძელდება, რაც კიდევ უფრო მეტად გაზრდის "ქართული ოცნების" საერთაშორისო იზოლაციას.
მონაცემები: ვიზუალების მოსამზადებლად გამოყენებულია სხვადასხვა ადგილობრივი და საერთაშორისო მედია ორგანიზაციების მიერ გამოქვეყნებული სტატიები და ოფიციალური უწყებების მიერ გაცემული საჯარო ინფორმაცია. კონკრეტული წყაროები მითითებულია თითოეულ ვიზუალზე.
